Аб цэнтры

Юрыдычны адрас: 222397, Мінская вобласць, Мядзельскі раён, в. Баравыя

Электронны адрас:Этот адрес электронной почты защищен от спам-ботов. Для просмотра адреса в вашем браузере должен быть включен Javascript.

Загадам Міністэрства аховы здароўя Рэспублікі Беларусь ад 11.01.2005 № 17 Дзяржаўная ўстанова «Рэспубліканскі санаторый «Баравое» на возеры Нарач» рэарганізавана ў Дзяржаўную ўстанову «Рэспубліканскі дзіцячы цэнтр медыцынскай рэабілітацыі» (далей – Цэнтр) на 180 ложкаў. Са студзеня 2016 года на базе Цэнтра арганізавана праца аддзялення медыцынскай рэабілітацыі № 1 (для дзяцей з псіхічнымі разладамі) на 30 ложкаў і аддзялення медыцынскай рэабілітацыі № 2 (для дзяцей з хваробамі органаў дыхання) на 120 ложкаў.

Шпіталізацыя пацыента з псіхічнымі разладамі ў АМР №1 ажыццяўляецца з законным прадстаўніком пацыента для забеспячэння ім пастаяннага дадатковага індывідуальнага догляду за дзіцём. Харчаванне і лячэнне законнага прадстаўніка праводзіцца за кошт асабістых сродкаў грамадзян.

Мэты дзейнасці Цэнтра:

правядзенне комплексу медыцынскіх мерапрыемстваў па аднаўленню і ўмацаванню здароўя дзяцей;
арганізацыя і аказанне спецыялізаванай медыцынскай рэабілітацыі дзецям з мэтай зніжэння ўзроўню захворвання неспецыфічнымі хваробамі органаў дыхання;
удасканаленне новых тэхналогій медыцынскай рэабілітацыі, накіраваных на зніжэнне ўзроўню захворвання і папярэджання першаснай інваліднасці, а таксама паляпшэння якасці медыцынскай рэабілітацыі дзецям.

У Цэнтр накіроўваюцца адпаведна з медыцынскімі паказчыкамі і медыцынскімі супрацьпаказаннямі і на падставе аформленых у ўсталяваным парадку накірункаў урачом і (або) урачэбна-кансультацыйнай камісіяй арганізацыі аховы здароўя па месцу жыхарства (месцу знаходжання) дзіцяці: у аддзяленне медыцынскай рэабілітацыі №1 (для дзяцей з псіхічнымі разладамі) – дзеці з псіхічнымі разладамі, у аддзяленне медыцынскай рэабілітацыі №2 – дзеці з хваробамі органаў дыхання.

ПЕРАЛІК
медыцынскіх паказчыкаў для накірунку дзяцей з хваробамі органаў дыхання на медыцынскую рэабілітацыю ў дзяржаўную ўстанову «Рэспубліканскі дзіцячы цэнтр медыцынскай рэабілітацыі»

Пнеўманія	Пнеўманія, зацяжны ход (больш за 6 тыдняў), або ўскладненная ў перыяд адваротнага развіцця, рэканвалесцэнцыі пры наяўнасці дыхальнай недастатковасці не вышэй за 1 ступень
Судзінарухальны рыніт Алергічны рыніт, выкліканы пылком раслін Іншыя сезонныя алергічныя рыніты Іншыя алергічные рыніты Алергічны рыніт неўдакладнены	Пры сезонным алергічным рыніце (палінозе) – пасля перыяду палінацыі прычынна-значных алергенаў (дрэвы, травы). Пры круглагадзічным рыніце, які ўключае грыбковую этыялогію, пасля ліквідацыі абвастрэння і пасля стацыянарнага лячэння
Хранічны сінусіт	Хранічны верхнясківічны сінусіт, хранічны франтальны сінусіт, хранічны пансінусіт у стадыі рэмісіі, пасля стацыянарнага лячэння
Хранічныя хваробы мігдалін і адэноідаў Хранічны ларынгіт і ларынгатрахеіт	Хранічны ларынгіт, хранічны ларынгатрахеіт, хранічны танзіліт і адэнаідыт у стадыі рэмісіі
Бранхіт, які не ўдакладнены як востры або хранічны	Рэцыдывавальны бранхіт, перыяд рэмісіі
Просты і склізіста-гнойны хранічны бранхіт Хранічны бранхіт неўдакладнены	Хранічны бранхіт у стадыі рэмісіі
Сіндром Мак-Леада Панлабулярная эмфізэма	Аблітэрыруючы бранхіаліт, перыяд рэмісіі пры наяўнасці лёгачна-сардэчнай недастатковасці не вышэй за 1 ступень Бронхалёгачная дысплазія, перыяд рэмісіі пры наяўнасці лёгачна-сардэчнай недастатковасці не вышэй за 1 ступень
Дыхавіца	Дыхавіца, атапічная форма, лёгкага і сярэднецяжкага ходу ў стадыі нястойкай рэмісіі з наяўнасцю дыхальнай недастаковасці не вышэй за 1 ступень або без дыхальнай недастатковасці, пасля стацыянарнага лячэння
Бронхаэктатычная хвароба	Бронхаэктатычная хвароба ў стацыі рэмісіі пры наяўнасці лёгачна-сардэчнай недастатковасці не вышэй за 1 ступень, пасля стацыянарнага лячэння
Гіперсэнсітыўны пнеўманіт Рэспіраторныя станы, якія выкліканы ўдыханнем хімічных рэчываў, газаў, дымоў і пароў Рэспіраторныя станы, якія выкліканы іншымі знешнімі агентамі	Гіперадчувальны пнеўманіт, няпоўная рэмісія пры наяўнасці лёгачна-сардэчнай недастатковасці не вышэй за 1 ступень Таксічныя і лекавыя пнеўманіты, няпоўная рэмісія пры наяўнасці лёгачна-сардэчнай недастатковасці не вышэй за 1 ступень
Іншыя інтэрстыцыяльныя лёгачныя хваробы	Лёгачны альвеалярны пратэіноз, ідыяпатычны фібразуючы альвеаліт у ступені няпоўнай рэмісіі, пры наяўнасці лёгачна-сардэчнай недастатковасці не вышэй за 1 ступень Ідыяпатычны гемасідэроз лёгкіх, перыяд рэмісіі, пры наяўнасці лёгачна-сардэчнай недастатковасці не вышэй за 1 ступень
Плеўральная пасачка, не класіфікаваная ў іншых рубрыках	Эксудатыўны плеўрыт неспецыфічнай эціялогіі ў стане рэмісіі, пасля стацыянарнага лячэння
Кістозны фіброз з лёгачнымі праявамі	Мукавісцыдоз змешаная або пераважна лёгачная форма перыяд рэмісіі бронхалёгачнага працэсу пры наяўнасці лёгачна-сардэчнай недастатковасці не вышэй за 1 ступень
Парушэнне абмену бялкоў плазмы, якія не класіфікаваны ў іншых рубрыках	Дэфіцыт α-1 антытрыпсіну перыяд рэмісіі бронхалёгачнага працэсу пры наяўнасці лёгачна-сардэчнай недастатковасці не вышэй за 1 ступень
Прыроджаныя анамаліі дырхі і бронхаў Прыроджаныя анамаліі лёгкага	Парокі развіцця бронхаў і лёгкіх паза абвастрэння бронхалёгачнага пры наяўнасці лёгачна-сардэчнай недастатковасці не вышэй за 1 ступень
Situs inversus	Першасная цыліярная дыскінезія (сіндром Зіверта-Картагенера) перыяд рэмісіі бронхалёгачнага працэсу пры наяўнасці лёгачна-сардэчнай недастатковасці не вышэй за 1 ступень

ПЕРАЛІК
медыцынскіх паказанняў для накірунку дзяцей з псіхічнымі разладамі на медыцынскую рэабілітацыю ў дзяржаўную ўстанову «Рэспубліканскі дзіцячы цэнтр медыцынскай рэабілітацыі»

Дзіцячы аўтызм	пры наяўнасці паводзінскіх парушэнняў у ступені кампенсацыі і субкампенсацыі
Атыпічны аўтызм	пры наяўнасці паводзінскіх парушэнняў у ступені кампенсацыі і субкампенсацыі
Сіндром Рэтта	пры наяўнасці паводзінскіх парушэнняў у ступені кампенсацыі і субкампенсацыі
Іншы дэзынтэгратыўны разлад дзіцячага ўзросту	пры наяўнасці паводзінскіх парушэнняў у ступені кампенсацыі і субкампенсацыі
Сіндром Аспергера	пры наяўнасці паводзінскіх парушэнняў у ступені кампенсацыі і субкампенсацыі

Увесь комплекс мерапрыемстваў медыцынскай рэабілітацыі праводзіцца дзецям адпаведна з заканадаўствам Рэспублікі Беларусь на бясплатнай аснове.

За гады працы Цэнтра медыцынскую рэабілітацыю атрымалі больш за 15 000 дзяцей. Высокая эфектыўнасць выконваемай рэабілітацыі спрыяе аднаўленню і кампенсацыі функцыянальных магчымасцяў арганізма: павышэнню і захаванню працаздольнасці, памяньшэнню патамарфалагічных змен, стабілізацыі клінічнага цячэння хранічных неспецыфічных хваробаў органаў дыхання; аднаўленню псіхалагічнага статуса і прыстасаванню хворага дзіцяці да новых умоў у межах хваробы.

Спалучэнне ўнікальнага мікраклімату возера Нарач, сасновага леса, наяўнасць крыніц мінеральнай вады, ствараюць спрыяльную абстаноўку для правядзення мерапрыемстваў медыцынскай рэабілітацыі ў Цэнтры.

Цэнтр знаходзіцца на беразе жамчужіны Рэспублікі Беларусь – в озер а Нар а ч . Цэнтр мае два аддзяленні медыцынскай рэабілітацыі, водалячэбніцу, дзве свідравіны мінеральнай вады сярэдняй і высокай мінералізацыі, гароднасховішча, прадрэчсклад, гараж, два інтэрната.

Да прыродных лекавых фактараў Цэнтра адносяцца крыніцы мінеральнай вады, аэратэрапія (сасновы лес), натуральны прэснаводны вадаём. Унікальны мікраклімат возера Нарач (маляўнічая прырода, у паветры вялікая колькасць смалістых эфірных рэчываў, азоту і адмоўных іёнаў) разам станоўча ўздзейнічаюць на дыхальную, нервовую і сардэчна-сасудзістую сістэмы, паляпшае абмен рэчываў і ўзмацняе абарончую моц арганізма. Мінеральная вада змяшчае натуральныя мікраэлементы, якія з’яўляюцца антаганістамі радыёнуклідаў цэзію і стронцыю і выцесняюць іх з абмену рэчываў. Мінеральная вада шырока ўжываецца для пітва і лячэбных ваннаў. Экалагічнае становішча спрыяльнае: радыяцыйны ўзровень у межах дапушчальнага, забруджвальнікі вакольнага асяроддзя (шкодныя вытворчасці, блізкасць аўтатрас) адсутнічаюць.

Лячэбна-дыягнастычная база дастатковая для правядзення медыцынскай рэабілітацыі. У Цэнтры ёсць кабінеты: гала(спелеа)тэрапіі, апаратнай фізіятэрапіі, цяплолячэння, масажныя, інгаляторый, лячэбныя ванны з мінеральнай вадой, лячэбныя душі, падводны душ-масаж, кабінеты ЛФК, дзе праводзяцца індывідуальныя і групавыя заняткі па сучасных методыках з улікам назалогій. Працу кабінетаў ажыццяўляе кваліфікаваны медыцынскі персанал.

У Цэнтры працуюць высокакваліфікаваныя спецыялісты: урачы-рэабілітолагі, урач-атарыналарынголаг, урач функцыянальнай дыягностыкі, урач-фізіятэрапеўт, урач-стаматолаг-тэрапеўт, урач-рэфлексатэрапеўт, псіхолагі, выхавальнікі.

З мэтай удакладнення дыягназу, ацэнкі эфектыўнасці праведзенай рэабілітацыі ёсць клінічная лабараторыя, абсталяваны кабінет функцыятальнай дыягностыкі (спірометры МАС-1, пнеўматахометры ПТ-2, Шыллер-СР-200, ЭКГ апарат, Інтэкард-3 з кампутарным забеспячэннем).

У Цэнтры праводзяцца мерапрыемствы псіхолага-педагагічнай рэабілітацыі, арганізавана правядзенне вучэбнай і выхаваўчай працы з дзецьмі згодна з вучэбнымі планамі, зацверджанымі Міністэрствам адукацыі Рэспублікі Беларусь.

Харчаванне дзяцей 6-ціразовае, арганізавана ў адпаведнсці з перспектыўным меню на падставе нормаў сярэднясутачнага набору прадуктаў харчавання.

Парадак і ўтульнасць у Цэнтры забяспечвае ўважлівы і дабразычлівы да дзяцей малодшы медыцынскі і гаспадарчы персанал.